განათლების, მეცნიერებისა და ახალგაზრდობის მინისტრის მოადგილე თამარ მახარაშვილმა ქუთაისში,  საჯარო სკოლების დირექტორებთან და რესურსცენტრის  ხელმძღვანელთან შეხვედრა გამართა.

თამარ მახარაშვილმა შეხვედრის მონაწილეებს ზოგადი განათლების სისტემის რეფორმის ეროვნული კონცეფციის ფარგლებში 2026-2027 სასწავლო წლისთვის დაგეგმილი სიახლეების შესახებ დეტალური ინფორმაცია მიაწოდა.

საუბარი შეეხო ისეთ მნიშვნელოვან საკითხებს, როგორებიცაა: სასკოლო ფორმები, სახელმძღვანელოები, ეროვნული სასწავლო გეგმა, განახლებული საგნობრივი სტანდარტები და მასწავლებელთა პროფესიული განვითარებისა და მხარდაჭერის მექანიზმები.

შეხვედრას ქუთაისის საკრებულოს თავმჯდომარე გიორგი ჭიღვარია და  მერის მოადგილე შალვა მშვილდაძე დაესწრნენ.