დღეს ქუთაისში დავითობა აღინიშნა. ქალაქში სადღესასწაულო ღონისძიებები დილიდანვე დაიწყო.ქუთაისის მერმა გიორგი თევდორაძემ და იმერეთის გუმერნატორმა ლაშა მაქაცარიამ, ადგილობრივი ხელისუფლების წარმომადგენლებთან და ჩოხოსნებთან ერთად დიდი მეფის ძეგლი გვირგვინებით შეამკეს და შემდეგ პარლამენტის თავმჯდომარესთან დავით ბაქრაძესთან ერთად გელათის სამონასტრო კომპლექსში საზეიმო წირვას დაესწრნენ, რომელიც ქუთათელ- გაენათელმა მიტროპოლიტმა, მეუფე კალისტრატემ აღავლინა. წირვის დასრულების შემდეგ ხელისუფლების წარმომადგენლებმა დავით აღმაშენებლის საფლავს პატივი მიაგეს.

კულტურისა და ძეგლთა დაცვის მინისტრმა ნიკოლოზ რურუამ ქუთაისის ილია ჭავჭავაძის სახელობის სამეცნიერო ბიბლიოთეკას და მის დაქვემდებარებაში მყოფ 12 ფილიალს 800 წიგნი და კომპიუტერები გადასცა

დღეს საქართველოს კულტურისა და ძეგლთა დაცვის მინისტრმა ნიკოლოზ რურუამ, საქართველოს კულტურული მემკვიდრეობის დაცვის ეროვნული საააგენტოს გენერალურ დირექტორთან, ნიკოლოზ ვაჩეიშვილთან, იმერეთის გუბერნატორ ლაშა მაქაცარიასთან და ქუთაისის მერთან, გიორგი თევდორაძესთან ერთად ბაგრატის ტაძრის სარემონტო სამუშაოები დაათვალიერა.

ქუთაისის პირველ საჯარო სკოლაში მასწავლებელთა ტრენინგს საქართველოს განათლებისა და მეცნიერების მინისტრი დიმიტრი შაშკინი და ქუთაისის მერი გიორგი თევდორაძე დაესწრნენ. პროფესიული უნარების ტრენინგი იმ პედაგოგებისათვის მოეწყო, რომელთაც სხვა სასერთიფიკაციო გამოცდები ჩაბარებული აქვთ და წელს მხოლოდ პროფესიული უნარების გამოცდებისთვის ემზადებიან.

ქუთაისში მცხოვრებ ვერიჩკა ბასილაძეს 100 წელი შეუსრულდა. იუბილესთან დაკავშირებით, მხცოვანი ქალბატონი ქალაქ ქუთაისი მერმა გიორგი თევდორაძემ მოინახულა და საახალწლო ნობათთან ერთად საჩუქრად 300 ლარი გადასცა . ქუთაისში ვერიჩკა ბასილაძე უკვე მეცხრე მოქალაქეა, რომელმაც ამ ასაკს მიაღწია.

შობის დღესასწაულთან დაკავშირებით ტრადიციული ალილო ქუთაისში, ადგილობრივი მერიის ადმინისტრაციული შენობიდან დაიწყო. მსვლელობას ტრადიციულად თეატრალიზებული სახე აქვს. ალილოს მონაწილეები ქუთათელ-გაენათელმა მიტროპოლიტმა, მეუფე კალისტრატემ დალოცა.

გილოცავთ ახალ წელს

31 დეკემბერს ქუთაისის რეაბილიტირებულ ისტორიულ უბანში სხვადასხვა გასართობი და სანახაობრივი ღონისძიებები გაიმართა. შეხვედრებში მონაწილეობას იღებდნენ საბავშვო საესტრადო ანსამბლები, მოძრავი ბერიკების თეატრი და ანსამბლები ,,ბერმუხა“ და ,,ნაინაი“. ღონისძიებაზე ქალაქის მერი გიორგი თევდორაძე თვიმმართველობის წარმომადგენლებთან და საკრებულოს წევრებთან ერთად იმყოფებოდა. წინასაახალწლო სანახაობები ,,ოქროს ჩარდახის“ ეზოში გოზინაყის დამზადება-დაგემოვნებით დასრულდა.

ქუთაისში 12 წლის გიორგი სულაქველიძემ, პრეზიდენტისაგან საახალწლო საჩუქრად კომპიუტერი მიიღო. პრეზიდენტმა ეს გადაწყვეტილება მას შემდეგ მიიღო, რაც გიორგიმ კომპიუტერის თხოვნით პირადად მიწერა. სულაქველიძეების ოჯახი სოციალურად დაუცველთა ბაზაშია რეგისტრირებული

ქუთაისში დღეს ქართული ფუტკრის ფესტივალი გაიმართა. ფესტივალში მონაწილეობა მეფუტკრეობის დარგის სპეციალისტებმა ქვეყნის თითქმის ყველა რეგიონიდან მიიღეს. ფესტივალზე სხვადასხვა სახეობის თაფლი, ფუტკრის რძე, შხამი, თაფლის სანთელი და მეფუტკრეობისთვის საჭირო ინვენტარი გამოიფინა.