ქუთაისის ცენტრალური უბნის რეაბილიტაცია გრძელდება

17 მაისი 2012 ვრცლად

ქუთაისში კოლხური შადრევანის გახსნისა და ცენტრალური მოედნის სრული რეაბილიტაციის შემდეგ მიმდებარე ქუჩების რეაბილიტაციის სამუშაოები დაიწყო. რეაბილიტაციის ახალი ეტაპი ისტორიულ ქუჩებზე არსებული, ასევე ისტორიული შენობების იერსახის მოწესრიგებას, თანამედროვე გარეგანათების სისტემის დამონტაჟებას და გზის საფარის აღდგენას ითვალისწინებს. პროექტის ფარგლებში შესრულდება სახლების საძირკველის გამაგრების სამუშაოები, შენობებს ძველი ისტორიული იერსახე დაუბრუნდებათ, რამდენიმე სახლზე კი მანსარდის დაშენება იგეგმება. პროექტის ღირებულება 1 მილიონ 100 ათასი ლარია.